‘टाइम’ को १०० प्रभावशाली व्यक्तिको सूचीमा अर्थमन्त्री

काठमाडौँ – अर्थमन्त्री डा. स्वर्णिम वाग्ले विख्यात अमेरिकी पत्रिका ‘टाइम’ को यो वर्ष (२०२६) का १०० प्रभावशाली व्यक्तित्वको सूचीमा परेका छन्। टाइमको ‘जलवायु मुद्दा: विश्वका १०० प्रभावशाली व्यक्तित्व’ शीर्षकमा उनी सूचीकृत भएका हुन्।

विगत २८ वर्षदेखि दिगो आर्थिक विकासको क्षेत्रमा अध्येता, नीति निर्माता तथा निर्वाचित राजनीतिज्ञका रूपमा कार्यरत डा. वाग्लेलाई जलवायु न्याय, जलवायु वित्त व्यवस्थापन र अन्तर्राष्ट्रिय प्रणालीगत सुधारका क्षेत्रमा गरेको योगदानका आधारमा उक्त सूचीमा समावेश गरिएको हो।