चितवनका रवि बोपाराको अर्धशतक खेर, काठमाडौं १० रनले विजयी हुँदै शीर्ष स्थानमा

काठमाडौं। नेपाल प्रिमियर लिग (एनपिएल) मा काठमाडौं गोर्खाजले चितवन राइनोजलाई १० रनले पराजित गरेको छ। सोमबार कीर्तिपुरस्थित त्रिवि क्रिकेट मैदानमा १८१ रनको लक्ष्य पछ्याएको चितवनले निर्धारित २० ओभरमा ७ विकेट गुमाएर १७० रन मात्र बनाउन सक्यो।

जितसँगै काठमाडौं पाँच खेलबाट आठ अंक जोड्दै अंक तालिकाको शीर्ष स्थानमा उक्लिएको छ। काठमाडौंले प्लेअफ यात्रा पनि बलियो बनाएको छ। पाँच अंक रहेको चितवन भने चौथो स्थानमा छ।