पोखरा एभेन्जर्सको ‘सेन्चुरी क्लब’, चारमध्ये तीन शतक पोखराकै खेलाडीको नाममा

२३ कात्तिक, काठमाडौं । नेपाल प्रिमियर लिग (एनपीएल) मा शतक जब प्रहार गर्ने खेलाडीको नाम आउँछ त्यसमा सबैभन्दा अगाडि आउने टिम पोखरा एभेन्जर्स हो ।

एनपीएलमा पोखरा एभेन्जर्सले एउटा विशेष कीर्तिमान बनाएको छ । एनपीएलको तेस्रो संस्करण चलिरहँदा हरेक सिजन शतक हान्ने खेलाडी पोखरा एभेन्जर्सकै छन् । एनपीएल इतिहासमा प्रहार भएका चार शतकमध्ये तीन शतक पोखरा एभेन्जर्सका खेलाडीले बनाएका छन् ।