एनपीएलमा आज सुदूरपश्चिम रोयल्स र जनकपुर बोल्ट्स भिड्दै

काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत मंगलबार कीर्तिपुरस्थित त्रिवि अन्तर्राष्ट्रिय क्रिकेट मैदानमा साँझ ५ बजे सुदूरपश्चिम रोयल्स र जनकपुर बोल्ट्सबीच प्रतिस्पर्धा हुँदैछ । लिग चरणबाट शीर्ष चार टोली प्लेअफमा प्रवेश गर्ने प्रावधान रहेकाले यो खेल दुवै टोलीका लागि अत्यन्त महत्त्वपूर्ण मानिएको छ ।

जारी सिजनमा सुदूरपश्चिम रोयल्स ५ खेलबाट ३ जित र २ हार व्यहोर्दै ६ अंकका साथ अंकतालिकाको तेस्रो स्थानमा रहेको छ भने जनकपुर बोल्ट्स ५ खेलबाट २ जित र ३ हारसहित ४ अंकका साथ पाँचौँ स्थानमा सीमित छ ।