तिहारमा झिनियाको व्यापार चम्कियो, घरमै बसेर लाखौँ आम्दानी गर्दै म्याग्दीका उद्यमी

काठमाडौं – तिहार नजिकिएसँगै म्याग्दीको बेनी बजारमा परम्परागत परिकार झिनिया रोटीको व्यापार बढेको छ । चाडपर्वलाई लक्षित गरी झिनिया उत्पादन गर्दै आएका स्थानीय उद्यमीलाई मागअनुसार उत्पादन गर्न भ्याइनभ्याइ भएको छ । घरपरिवारका सदस्यदेखि श्रमिकसम्म परिचालन गरेर उनीहरू झिनिया उत्पादनमा जुटेका छन् ।

बेनी नगरपालिका–७ मङ्गलाघाटकी कल्पना श्रेष्ठ केही दिनयता झिनिया उत्पादनमा व्यस्त हुनुहुन्छ । छोराछोरी विदेशमा रहेकाले उ र उनका श्रीमान्ले चाडपर्वको समयमा झिनिया उत्पादन गर्दै आएको छ । तिहारमा माग बढेपछि उहाँले एक जना श्रमिकसमेत राख्नुभएको छ ।