गोवर्द्धन पूजा,  गोरू तिहार र म्ह पूजाको महत्त्व

काठमाडौँ– यमपञ्चक अन्तर्गत तिहारको चौथो दिन गोवर्द्धन पूजा, गोरू तिहार र म्ह पूजा मनाइन्छ । यी हरेकको आफ्नै धार्मिक, ऐतिहासिक र सांस्कृतिक महत्व छ । यी पर्वहरूले नेपाली समाजमा प्रकृति, जनावर, मानव र देवीदेवतासँगको सम्बन्धलाई सम्मान गर्ने र जीवनमा समृद्धि, सुरक्षा र खुशियालीको कामना गर्ने परम्परालाई प्रकट गर्छन् ।

यस दिन मानिसले घर वरिपरि वा आँगनमा गोवर्द्धन पर्वतको सानो मूर्ति बनाएर दूध, दही, घिउ, फूल र अन्य सामग्री चढाउँछन्। यसरी पूजा गर्दा समृद्धि, बालिको सुरक्षा र वातावरणीय मैत्री कायम रहोस् भन्ने विश्वास गरिन्छ ।