एनपीएलमा आज सुदूरपश्चिम र जनकपुर भिड्दै

२४ कात्तिक, काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत आज मंगलबार एक खेल हुँदैछ। कीर्तिपुरस्थित त्रिवि अन्तर्राष्ट्रिय क्रिकेट मैदानमा साँझ ५ बजे सुदूरपश्चिम रोयल्स र जनकपुर बोल्ट्सबीच प्रतिस्पर्धा हुन लागेको हो।

जारी प्रतियोगितामा दुवै टोलीले समान ५ खेल खेलिसकेका छन्। अंकतालिकामा सुदूरपश्चिम ६ अंकसहित तेस्रो स्थानमा रहेको छ। उसले हालसम्म ३ खेलमा जित निकाल्दा २ खेलमा पराजय भोगेको छ।