नयाँ राहदानी माग्दै शेख हसिनाले पठाइन् पत्र, बंगलादेश सरकारले गर्‍यो अस्वीकार

बंगलादेशकी अपदस्थ प्रधानमन्त्री शेख हसिनाले भारतमा रहेको निर्वासन अन्त्य गरी स्वदेश फर्कने तयारीस्वरूप नयाँ राहदानी र राष्ट्रिय परिचयपत्र (एनआईडी) जारी गर्न माग गरेकी छन्। तर बंगलादेश सरकारले उनको माग अस्वीकार गरेको छ।

रोयटर्सले प्राप्त गरेको पत्रअनुसार हसिनाले सोमबार दिल्लीस्थित बंगलादेशी दूतावासमा नयाँ राहदानी र राष्ट्रिय परिचयपत्रका लागि आवेदन प्रक्रिया अघि बढाउन आग्रह गरेकी हुन्। सन् २०२४ मा बंगलादेशमा विद्यार्थी नेतृत्वको आन्दोलनपछि सत्ता गुमाएर भारत पुगेकी हसिनाले त्यसयता पहिलोपटक यसरी औपचारिक पत्राचार गरेकी हुन्।