इरानलाई ट्रम्पको चेतावनी : ‘आवश्यक परे फेरि सैन्य कारबाही गर्न तयार छौँ’

अमेरिकी राष्ट्रपति डोनाल्ड ट्रम्पले इरानको आणविक हतियार उत्पादन गर्ने क्षमता करिब ८५ प्रतिशतले कमजोर बनाइएको दाबी गर्दै आवश्यक परे पुनः सैन्य कारबाही गर्न अमेरिकी सेना तयार रहेको चेतावनी दिएका छन्। इरानसँगको तनाव अन्त्य गर्न कूटनीतिक प्रयास जारी रहे पनि सैन्य विकल्प भने खुला रहेको उनको भनाइ छ।

इरानको आणविक कार्यक्रमबारे प्रतिक्रिया दिँदै ट्रम्पले इरानको आणविक हतियार उत्पादन गर्ने क्षमता करिब ८५ प्रतिशत घटेको दाबी गरे। उनका अनुसार इरान अहिले अमेरिकासँग संवादमा छ र वार्ताका क्रममा निकै विनम्र रूपमा प्रस्तुत भइरहेको छ। यद्यपि, यसबाट के परिणाम आउँछ भन्ने हेर्न बाँकी रहेको उनले बताए।