एनभिडिया प्रमुख हुआङलाई ट्रम्पको साथ : ‘म उनलाई विश्वास गर्छु’

काठमाडौँ । अमेरिकी राष्ट्रपति डोनाल्ड ट्रम्पले एनभिडियाका प्रमुख कार्यकारी अधिकृत (सीईओ) जेनसन हुआङप्रति विश्वास व्यक्त गर्दै कथित चिनियाँ जासुससँगको सम्बन्धबारे भइरहेको अनुसन्धानले उनलाई समस्या नपार्ने बताएका छन् ।

हुआङको चिनियाँ जासुसी अभियानसँग सम्बन्ध रहेको आशंकासम्बन्धी समाचार सार्वजनिक भएपछि ट्रम्पले सोमबार उनीसँग फोनमा कुराकानी गरेका थिए । पत्रकारहरूसँग कुरा गर्दै ट्रम्पले हुआङलाई ती महिला चिनियाँ जासुस हुन् भन्ने थाहा थियो कि थिएन भनेर सोधेको र उनले आफूलाई कुनै जानकारी नभएको जवाफ दिएको बताए ।