मेचीनगरमा राष्ट्रिय विभूति शङ्खधर साख्वाको शालिक निर्माण

काठमाडौं – नेपाल संवत्का प्रवर्तक एवं राष्ट्रिय विभूति शङ्खधर साख्वाको शालिक झापाको मेचीनगर नगरपालिका–१० धुलाबारीमा निर्माण गरिएको छ । भक्तपुरको प्राचीन कला शैलीमा निर्माण गरिएको उक्त शालिकमा २० लाख रुपैयाँ खर्च भएको शालिक निर्माण समितिले जनाएको छ। समितिका अध्यक्ष दिनेश शाक्यका अनुसार मेचीनगरमा निर्माण गरिएको यो शङ्खधर साख्वाको पहिलो शालिक हो ।

शालिक निर्माणका लागि मेचीनगर नगरपालिकाले पाँच लाख रुपैयाँ बजेट उपलब्ध गराएको थियो। बाँकी १५ लाख रुपैयाँ स्थानीय तथा विभिन्न व्यक्तिको जनसहयोगबाट जुटाइएको अध्यक्ष शाक्यले जानकारी दिए ।