तिहारमा २४ घण्टा देउसी-भैलो खेल्न पाइने, तर चन्दा माग्न रोक

काठमाडौं: सरकारले तिहारको अवसरमा परम्परागत देउसी: भैलो कार्यक्रम २४सै घण्टा सञ्चालन गर्न अनुमति दिएको छ। गृह मन्त्रालयले सोमबार सबै जिल्ला प्रशासन कार्यालयलाई परिपत्र गर्दै सुरक्षित र मर्यादित रूपमा देउसी-भैलो सञ्चालन गर्ने व्यवस्था मिलाउन निर्देशन दिएको हो। मन्त्रालयले नेपाली मौलिक कला र संस्कृतिको संरक्षण तथा सामाजिक सद्भाव कायम हुने गरी देउसी-भैलो खेल्न आग्रह गरेको छ। यद्यपि, देउसी-भैलो खेल्ने क्रममा कसैलाई पनि चन्दा वा दक्षिणा दिन बाध्य पार्न नपाइने मन्त्रालयले स्पष्ट पारेको छ।