हुथी आक्रमणसँगै विपक्षीहरूको प्रश्नको घेरामा साउदी युवराज, देशको सुरक्षामा चुक भएको आरोप

काठमाडौं- साउदी अरबका विमानस्थल र ऊर्जा क्षेत्रसँग सम्बन्धित संरचनाहरूमा हुथी विद्रोहीहरूले गरेका आक्रमणले साउदी अरबको नेतृत्वसामु ठूलो चुनौती खडा गरेको छ । यी आक्रमणले साउदी अरबको ‘भिजन २०३०’ योजनामा समेत असर पार्ने खतरा बढेको छ ।

युवराज मोहम्मद बिन सलमानको यो प्रमुख योजनाको उद्देश्य तेलमाथिको देशको निर्भरता घटाउनु र साउदी अरबलाई लगानी, पर्यटन तथा मनोरञ्जनको एउटा प्रमुख विश्वव्यापी केन्द्रका रूपमा विकास गर्नु हो । तर लगातार भइरहेका आक्रमणले स्थिर र सुरक्षित देशका रूपमा साउदी अरबले बनाएको छविमा क्षति पुग्न सक्छ ।