वीरगन्ज नाकाबाट भटमासको तेल निर्यात दोब्बरभन्दा बढी, पाम तेलको परिमाण घट्यो

काठमाडौं – वीरगन्ज नाकाबाट हुने निर्यात व्यापारमा चालु आर्थिक वर्ष २०८२/८३ को पहिलो तीन महिनामा मिश्रित अवस्था देखिएको छ । गत आर्थिक वर्षको सोही अवधिको तुलनामा प्रशोधित भटमासको तेल, फलफूलको जुस तथा फलामजन्य सामग्रीको निर्यात बढेको छ भने प्रशोधित पाम तेल र अन्य खाद्य तेलको निकासी घटेको छ ।

वीरगन्ज भन्सार कार्यालयको तथ्यांकअनुसार चालु आर्थिक वर्षको साउनदेखि असोजसम्म निर्यातका प्रमुख पाँच वस्तुमध्ये तीन वस्तुको निकासी बढेको छ भने दुई वस्तुको घटेको छ। निर्यातमा खाद्यतेलको हिस्सा ठूलो रहे पनि अन्य वस्तुको कारोबारमा समेत विस्तार देखिएको छ ।