फर्किए वार्नर, खेलेका चारै खेलमा गोर्खाजको जित

काठमाडौं । अस्ट्रेलियाका पूर्वविस्फोटक ब्याट्सम्यान डेभिड वार्नर नेपाल प्रिमियर लिग (एनपीएल) मा काठमाण्डु गोर्खाजबाट चार खेल खेलेर स्वदेश फर्किएका छन्। छोटो समयका लागि एनपीएलमा आबद्ध भएका वार्नरले खेलेका चारवटै खेलमा टोलीलाई जित दिलाउँदै नेपाल यात्रा टुंग्याएका हुन्।

काठमाण्डु गोर्खाजका म्यानेजर दीपक केसीले सामाजिक सञ्जालमार्फत वार्नर स्वदेश फर्किएको जानकारी दिएका छन्। उनले वार्नरलाई धन्यवाद दिँदै सुरक्षित यात्राको शुभकामना व्यक्त गरेका छन्।