मौलिक संस्कार र संस्कृति नयाँ पुस्तामा हस्तान्तरण गर्नुपर्छ : गृहमन्त्री गुरुङ

ललितपुर – गृहमन्त्री सुधन गुरुङले आधुनिकीकरण र पश्चिमी संस्कृतिको प्रभाव बढ्दै गए पनि नेपालको मौलिक संस्कार, संस्कृति, परम्परा र सभ्यतालाई बिर्सन नहुने बताएका छन् ।

नेपाल संवत् ११४७ को अवसरमा सोमबार ललितपुरको पाटन दरबार क्षेत्रस्थित कात्तिक डबलीमा आयोजित कार्यक्रममा उनले नयाँ पुस्ताले पुर्खाबाट प्राप्त कला, संस्कृति र संस्कारलाई आत्मसात् गर्दै भावी पुस्तामा हस्तान्तरण गर्नुपर्नेमा जोड दिए ।