इरानसँगको युद्ध लगभग सकियो : ट्रम्प

अमेरिकी राष्ट्रपति डोनाल्ड ट्रम्पले इरानसँगको युद्ध सैन्य दृष्टिले लगभग समाप्त भइसकेको दाबी गरेका छन् । उनले तत्कालका लागि अमेरिकाले अहिलेको अवस्था कायम राख्ने नीति लिएको बताउँदै परिस्थिति परिवर्तन भए अमेरिकी सेना पुनः कारबाहीका लागि तयार रहेको चेतावनीसमेत दिएका छन् ।

सोमबार ह्वाइट हाउसमा पत्रकारहरूसँग कुरा गर्दै ट्रम्पले इरानको सैन्य क्षमता र नेतृत्व लगभग समाप्त पारिएको दाबी गरे । यद्यपि, इरानको परमाणु कार्यक्रम लामो समयसम्म अघि बढ्न नसक्ने अवस्था सुनिश्चित गर्न अमेरिका अझै प्रयासरत रहेको उनले बताए ।