देश बनाउन सरकार टिक्नुपर्छ, हैन त रविजी ?

जनता समाजवादी पार्टी (जसपा) नेपालका नेता पूर्ण बस्नेतले रास्वपा सभापति रवि लामिछाने प्रधानमन्त्री बालेन्द्र शाहसँग डराउने बताएका छन् । बालेन नेतृत्वको सरकारलाई पाँच वर्ष टिकाउँने रविको आश्वासनप्रति टिप्पणी गर्दै बस्नेतले उक्त कुरा बताएका हुन् ।

बस्नेतले भने, ‘सहकारीको रकम हिनामिना प्रकरणमा रवि लामिछानेमाथि कानूनी प्रश्न छन् । बालेन नेतृत्वको सरकारलाई रविले छुनु भनेको आफ्नो खुट्टामा आफैले बञ्चरो हान्नु हो । सरकारले राम्रो काम गरिरहेको भएर वा सरकारको स्थायित्वका लागि उनले नजान्नेलाई सिकाउने, पाँच वर्ष यही सरकार टिकाउने भनेका होइनन् । आफू जोगिने उपाय अहिलेलाई यही हो भन्ने कुरा भन्न नसकेका हुन् ।’