एलिस हुआङ चिनियाँ जासुस नै हुन् त ? जो एनभिडियाका प्रमुख जेनसनसँग छिन् निकट

काठमाडौं– आर्टिफिसियल इन्टेलिजेन्स (एआई) उद्योगका सबैभन्दा प्रभावशाली व्यक्तिमध्ये एक एनभिडियाका प्रमुख कार्यकारी अधिकृत (सीईओ) जेनसन हुआङमाथि चीनका लागि जासुसी गरेको आशङ्का गरिएकी एक महिलासँग सम्बन्धमा रहेको आरोप लागेको छ । यस विषयमा अनुसन्धानसमेत सुरु भएको छ ।

अमेरिकी गुप्तचर अधिकारीहरूले चिनियाँ व्यवसायी महिला एलिस हुआङ चीनका लागि जासुसी गरिरहेको आशङ्का गरेका थिए । द न्युयोर्क टाइम्सले प्रकाशित गरेको एक रिपोर्टमा यो विषय सार्वजनिक भएको हो ।