नौ वर्षदेखि अलपत्र चारलेन सडक बनेपछि फेरियो खजुरा बजारको मुहार

काठमाडौंल – नौ वर्षदेखि अलपत्र अवस्थामा रहेको चारलेन सडक निर्माण सम्पन्न भएपछि बाँकेको खजुरा बजारको स्वरूप फेरिएको छ। नेपालगञ्ज–गुलरिया हुलाकी राजमार्गअन्तर्गत खजुरा बजार क्षेत्रमा सडक स्तरोन्नति भएपछि स्थानीय तथा यात्रुले लामो समयदेखि भोग्दै आएको सास्ती हट्ने अपेक्षा गरिएको छ ।

खजुरा बजार क्षेत्रमा एक हजार ८०० मिटर सडक निर्माणको जिम्मा पाएको तत्कालीन निर्माण कम्पनीले काम अधुरै छाडेपछि सडक डिभिजनबाट हुलाकी राजमार्ग निर्देशनालयले जिम्मेवारी लिएर स्तरोन्नति गरेको हो ।