तिहारको समयमा ठुलो आवाज निकाल्ने २५ वटा मोटरसाइकल नियन्त्रणमा

काठमाडौँ । तिहार पर्वको समयमा सर्वसाधारण नागरिकलाई सुरक्षित र शान्त वातावरणमा आवागमन गर्ने व्यवस्था मिलाउने उद्देश्यले जिल्ला प्रहरी परिसर काठमाडौँले ठुलो आवाज निकाल्ने २५ वटा मोटरसाइकल नियन्त्रणमा लिएको छ।

आइतबार जिल्ला प्रहरी परिसर काठमाडौँ मातहत प्रहरी वृत्त र प्रभागबाट खटिएको प्रहरी टोलीले विभिन्न स्थानमा चेकजाँच तथा निगरानी गर्ने क्रममा सवारी साधनको स्वरूप परिवर्तन गरी ठुलो आवाज निकाल्ने २५ वटा मोटरसाइकल नियन्त्रणमा लिई थप अनुसन्धान भइरहेको छ।