आधुनिक मिलको बढ्दो प्रयोगसँगै जुम्लाका परम्परागत पानी घट्ट लोप हुँदै

काठमाडौं – आधुनिक विद्युतीय मिलको प्रयोग बढ्दै गएपछि जुम्लाका ग्रामीण क्षेत्रमा परम्परागत पानी घट्ट लोप हुने अवस्थामा पुगेका छन् । कुनै समय गाउँघरमा अन्न पिस्ने प्रमुख माध्यम रहेका पानी घट्ट पछिल्लो समय प्रयोगविहीन बन्दै गएका हुन् ।

पातारासी गाउँपालिका–१ का स्थानीय गोविन्द बुढाका अनुसार गाउँघरका खोलाको पानीबाट सञ्चालन हुने घट्टमा स्थानीयवासीले मकै, गहुँ, जौँ, कोदो र फापरलगायतका अन्न पिस्ने गर्थे। तर गाउँमा विद्युत्बाट सञ्चालन हुने आधुनिक मिलको पहुँच बढेसँगै पानी घट्टको प्रयोग घट्दै गएको छ ।