‘सभापति गगन थापाविरुद्ध राज्य नै भ्रम फैलाउँदै छ, निष्पक्ष छानबिन गरौँ’

काठमाडौँ – नेपाली कांग्रेसका केन्द्रीय सदस्य इन्जिनियर दीपकबाबु कँडेलले पार्टी सभापति गगनकुमार थापालाई लक्षित गरी राज्यका तर्फबाट भ्रम फैलाउने काम भइरहेको आरोप लगाएका छन् । उनले थापाविरुद्ध भइरहेका प्रचारबाजी र गतिविधिको निष्पक्ष छानबिन गर्न माग गरेका छन् ।

सामाजिक सञ्जालमार्फत आफ्नो धारणा सार्वजनिक गर्दै कँडेलले राजनीतिक प्रतिस्पर्धालाई प्रतिशोधमा बदल्ने, राज्यशक्तिको दुरुपयोग गर्ने तथा सामाजिक सञ्जालमार्फत भ्रम र चरित्रहत्या गर्ने प्रवृत्ति लोकतान्त्रिक व्यवस्थाका लागि स्वीकार्य नहुने बताएका छन् ।