सभामुख अर्याल र गृहमन्त्री गुरुङद्वारा शङ्खधर साख्वाःको सालिकमा माल्यार्पण

भक्तपुर । नेपाल संवत् ११४७ को अवसरमा सभामुख डोलप्रसाद अर्याल र गृहमन्त्री सुदन गुरुङले राष्ट्रिय विभूति शङ्खधर साख्वाःको सालिकमा माल्यार्पण गरेका छन्।

राष्ट्रिय विभूति शङ्खधर साख्वाः प्रतिष्ठानले आयोजना गरेको शुभकामना तथा माल्यार्पण कार्यक्रममा सभामुख अर्याल, गृहमन्त्री गुरुङ, बागमती प्रदेशका मुख्यमन्त्री किरण थापामगरलगायत विभिन्न क्षेत्रका विशिष्ट व्यक्तिहरू सहभागी भएका थिए। उनीहरूले भक्तपुरको शङ्खधर चोकमा रहेको साख्वाःको सालिकमा माल्यार्पण गर्दै उनको योगदानको स्मरण गरेका थिए।