पाकिस्तानले नेपाल यू-१९ लाई दियाे २७६ रनको लक्ष्य

काठमाडाैं । एसीसी पुरुष यू-१९ एशिया कप २०२६ अन्तर्गत पाकिस्तान यू-१९ ले नेपाल यू-१९ लाई जितका लागि २७६ रनको चुनौतीपूर्ण लक्ष्य दिएको छ।

अल अमिरात क्रिकेट ग्राउन्डमा भइरहेको यस खेलमा पहिले ब्याटिङ गरेको पाकिस्तान यू-१९ ले निर्धारित ५० ओभरमा ७ विकेट गुमाएर २७५ रनको योगफल तयार पार्यो। पाकिस्तानका लागि अहमद हुसैन र कप्तान फरहान युसुफले उत्कृष्ट अर्धशतकीय पारी खेले। अहमद हुसैनले ७३ बलमा ७ चौका र २ छक्काको मद्दतले सर्वाधिक ८९ रन जोडे भने फरहान युसुफले ९५ बलमा ७४ रन बनाए।