लागुऔषधसहित १२ जना पक्राउ

२४ कात्तिक, काठमाडौं । प्रहरीले देशका विभिन्न जिल्लाबाट लागुऔषधसहित १२ जनालाई पक्राउ गरेको छ। कैलाली, लम्कीचुहा नगरपालिका-३ चिसापानीबाट खैरो हेरोइन १ सय ३० मिलिग्रामसहित कालिकोट खाँडाचक्र नगरपालिका-३ बस्ने २९ वर्षीय जगदिश पाण्डेलाई सोमबार दिउँसो प्रहरीले पक्राउ गरेको छ।

त्यस्तै बर्दिया, गुलरिया नगरपालिका-११ गणेशपुर चोकबाट खैरो हेरोइन ७ सय ८० मिलिग्रामसहित सोही नगरपालिका-१ बस्ने २० वर्षीय समोहित परियारलाई सोमबार साँझ प्रहरीले पक्राउ गरेको छ । यसैगरी बर्दिया, गुलरिया नगरपालिका-११ बाईपास रोडबाट ब्राउनसुगर २ सय मिलिग्रामसहित बाँके खजुरा गाउँपालिका-२ बस्ने २३ वर्षीया दिपिका वलीलाई सोमबार साँझ प्रहरीले पक्राउ गरेको छ ।