पर्साबाट चार दिनमा साढे तीन लाखका पटाका बरामद

वीरगन्ज- प्रहरीले पर्सा जिल्लाका विभिन्न स्थानबाट चार दिनको अवधिमा करिब तीन लाख ५० हजार रुपैयाँ बराबरका पटाका तथा आतिशबाजीजन्य पदार्थ बरामद गरेको छ ।

जिल्ला प्रहरी कार्यालय पर्सा तथा मातहतका प्रहरी टोलीले कात्तिक २१ गतेदेखि हालसम्म विभिन्न स्थानबाट खुर्सानी पटाका, चक्र, फुलझरी, रकेट पटाका, आलु बम र झिरझिरेलगायतका विस्फोटकजन्य पदार्थ नियन्त्रणमा लिएको हो ।