भाइटीकाको दिन कस्तो हुनेछ मौसम ?

काठमाडौं । यस वर्ष भाइटीकाको दिन अर्थात् बुधबार (कात्तिक २५) दिउँसो देशका केही स्थानमा वर्षाको पूर्वानुमान छ । हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

वर्षा/हिमपातको सम्भावना विशेष गरी मध्यदेखि पूर्वतिरका भूभागमा बढी छ । “२०८३ कार्तिक २५ गते (बुधबार) कोसी, वाग्मती र गण्डकी प्रदेशको हिमाली भूभागका थोरै स्थानमा तथा लुम्बिनी, कर्णाली र सुदूरपश्चिम प्रदेशको हिमाली भूभागका एक–दुई स्थानमा मेघगर्जन/चट्याङसहित हल्का वर्षा/हिमपातको सम्भावना छ,” महाशाखाले भनेको छ ।