मौलिक देउसीभैलो प्रतियोगितामा पुन समाज पोखरा प्रथम

पोखरा- मौलिक देउसीभैलो उत्सव तथा प्रतियोगितामा ११ टिमलाई पछि पार्दै पुन समाज पोखरा प्रथम बनेको छ।

पोखरा पर्यटन परिषद्, पोखरा महानगरपालिकाको आर्थिक विकास महाशाखा तथा पर्यटन प्रवर्द्धन शाखा र पब्लिक फोके टेलिभिजनको संयुक्त आयोजनामा लेकसाइडमा सम्पन्न प्रतियोगितामा प्रथम हुँदै पुन समाज पोखराले २५ हजार रुपैयाँ नगदसहित प्रमाणपत्र प्राप्त गरेको हो।