आफ्नै दलका सांसदले महाभियोग प्रस्ताव दर्ता गरेपछि अमेरिकी रक्षामन्त्री हेगसेथले रिपब्लिकनप्रति पोखे आक्रोश

काठमाडौं- अमेरिकी रक्षामन्त्री पीट हेगसेथले आफूविरुद्ध महाभियोग प्रक्रिया अघि बढाउने प्रयासको आलोचना गर्दै त्यसलाई राजनीतिक प्रतिशोध र षड्यन्त्रको संज्ञा दिएका छन् ।

मंगलबार आयोजित पत्रकार सम्मेलनमा उनले महाभियोगको प्रयासलाई ‘जवाफदेहिता खोज्ने प्रयास नभई आक्रोश र अहंकारबाट प्रेरित राजनीतिक गतिविधि’ भएको बताए ।