जनकपुरलाई २७ रनले हराउँदै सुदूरपश्चिम प्लेअफनजिक

काठमाडौँ । सुदूरपश्चिम रोयल्सले नेपाल प्रिमियर लिग (एनपीएल) मा पहिलो संस्करणको विजेता जनकपुर बोल्ट्सलाई २७ रनले पराजित गरेको छ । मंगलबार कीर्तिपुरस्थित त्रिवि क्रिकेट मैदानमा भएको खेलमा सुदूरपश्चिमले दिएको १२१ रनको लक्ष्य पछ्याएको जनकपुर १९.५ ओभरमा सबै विकेट गुमाएर ९३ रनमा समेटियो ।

यस जितसँगै सुदूरपश्चिमले ६ खेलमा चौथो जित हात पारेको छ । आठ अङ्क जोडेको टोली अङ्कतालिकाको दोस्रो स्थानमा उक्लिएको छ ।