पूर्वी प्रशान्त क्षेत्रमा अमेरिकी सेनाको आक्रमणः लागुऔषध तस्करीमा संलग्न रहेको आशङ्कामा ३ जनाको मृत्यु

एजेन्सी । पूर्वी प्रशान्त महासागरमा लागुऔषध तस्करीमा संलग्न रहेको आशङ्का गरिएको एक डुङ्गामाथि अमेरिकी सेनाले गरेको कारबाहीमा तीन जनाको मृत्यु भएको छ ।

अमेरिकी सेनाको सदर्न कमाण्डले शनिबार सामाजिक सञ्जाल एक्समार्फत उक्त कारबाहीबारे जानकारी दिएको हो । उक्त डुङ्गा पूर्वी प्रशान्त क्षेत्रका परिचित लागुऔषध तस्करी मार्गहरूमा सञ्चालन भइरहेको र तस्करीका गतिविधिमा संलग्न रहेको कुरा गुप्तचर निकायको सूचनाबाट पुष्टि भएको थियो ।