वाग्मतीसहित यी प्रदेशमा हुनेछ आज वर्षा र हिमपात

काठमाडौं । देशका केही स्थानमा आज वर्षाको सम्भावना छ । वाग्मतीसहित केही प्रदेशका एकदुई स्थानमा वर्षाको सम्भावना रहेको हो ।

नेपाल मौसम विज्ञान विभागका अनुसार दिउँसो कोसी, वाग्मती र गण्डकी प्रदेशको हिमाली भूभागमा साधारणतया बादल लाग्नेछ । बाँकी हिमाली भूभाग, देशका पहाडी क्षेत्रका साथै मधेस प्रदेशमा आंशिक बादल लाग्नेछ । बाँकी तराई भूभागमा मौसम मुख्यतया सफा रहनेछ ।