पोखराको अन्तर्राष्ट्रिय पर्वतीय संग्रहालयमा पर्यटकको आकर्षण बढ्दै, चार महिनामै २० हजारभन्दा बढीले गरे भ्रमण

पोखरास्थित अन्तर्राष्ट्रिय पर्वतीय संग्रहालय आन्तरिक तथा विदेशी पर्यटकको आकर्षणको केन्द्र बन्दै गएको छ। चालु आर्थिक वर्षको पहिलो चार महिनामा मात्रै २० हजार ९३८ पर्यटकले संग्रहालयको भ्रमण गरेका छन्।

द हिमालयन टाइम्सका अनुसार नोभेम्बर ६ सम्मको तथ्यांकमा उक्त संख्यामा पर्यटकले संग्रहालय अवलोकन गरेका हुन्।