गरिबीले खोस्यो निगालीको तिहार, घरघरमा ताल्चा

२५ कात्तिक, कञ्चनपुर । कञ्चनपुरको कृष्णपुर नगरपालिका–१ स्थित निगालीमा तिहारको कुनै रौनक छैन । चारैतिर देउसी–भैलो र झिलिमिली छ, भाइटीका मनाइँदै छ । तर, यो बस्ती भने उराठलाग्दो देखिन्छ । गाउँका अधिकांश घरका ढोकामा ताल्चा झुण्डिएका छन् । आँगन सुनसान छन् ।

घरमै भएकाहरूको मनमा पनि तिहारको उमंग छैन । उनीहरूलाई एउटै चिन्ता छ– बिहान–बेलुका चुलो कसरी बाल्ने ?