असिना पानीसहितको वर्षाले जनजीवन प्रभावित

आज दिउँसो काठमाडौं उपत्यका लगाषत विभिन्न जिल्लामा असिना पानीसहित वर्षा भएको छ । आज हल्का वर्षाको पूर्वानुमान गरिए पनि असिना पानीसहितको वर्षा हुँदा भाइटीकाको दिन जनजीवन प्रभावित बनेको छ ।

हिमाली भेगमा कतै भारी र कतै मध्यम हिमपात हुँदा त्यहाँ पनि जनजीवन प्रभावित बन्न पुगेको छ । दिउँसो करिब साढे १२ बजेदेखि बदली सुरू भएकोमा करिब पौने २ बजेदेखि काठमाडौँको पहाडी भेगहुँदै वर्षा सुरू भएको थियो।