इजरायली प्रधानमन्त्री नेतान्याहुसँग अनुहार मिलेकै कारण इरानी पसलेको पसल बहिष्कार!

इरानका एक पसलेको अनुहार इजरायलका प्रधानमन्त्री बेन्जामिन नेतान्याहुसँग निकै मिलेको भन्दै सामाजिक सञ्जालमा उनको भिडियो भाइरल भएपछि उनले ग्राहकको बहिष्कार सामना गर्नुपरेको खबर सार्वजनिक भएको छ।

तेहरानमा बदाम, विभिन्न किसिमका सुक्खा फलफूल तथा मिठाई बेच्ने ती पसले पसलको काउन्टर पछाडि बसेको भिडियो सार्वजनिक भएपछि चर्चामा आएका हुन्।