‘किसान तीन महिना मात्रै काम गर्छन्, बाँकी नौ महिना गाँजा पिएर जय भोले भन्छन्’

भारतको मध्य प्रदेशस्थित रेवाका भारतीय जनता पार्टी (भाजपा) सांसद जनार्दन मिश्राले किसानबारे दिएको एउटा अभिव्यक्ति अहिले चर्चामा छ।

उनले किसानले वर्षमा तीन महिना मात्रै काम गर्ने र बाँकी नौ महिना तास खेल्ने, गुट्खा खाने, रक्सी पिउने तथा गाँजा सेवन गरेर बिताउने बताएका छन्। उनको यो टिप्पणीको भिडियो सामाजिक सञ्जालमा सार्वजनिक भएपछि आलोचना भइरहेको छ।