एनपीएलमा आज दुई खेल, अंकतालिकामा शीर्ष चारको दौड रोचक

काठमाडौं। नेपाल प्रिमियर लिग (एनपीएल) क्रिकेटमा बिहीबार दुई खेल हुँदैछन्। कीर्तिपुरस्थित त्रिवि क्रिकेट मैदानमा पहिलो खेलमा विराटनगर किंग्स र पोखरा एभेन्जर्स तथा दोस्रो खेलमा कर्णाली याक्स र लुम्बिनी लायन्सबीच प्रतिस्पर्धा हुनेछ।

दिनको पहिलो खेल दिउँसो १२:३० बजे सुरु हुनेछ। प्रतियोगिताको २२औँ खेलमा विराटनगर र पोखरा आमनेसामने हुनेछन्। त्यस्तै, २३औँ खेलमा कर्णाली र लुम्बिनी भिड्नेछन्। यो खेल दिउँसो ४:३० बजे सुरु हुनेछ।