मकवानपुरको भीमफेदीमा हायस दुर्घटना, १० जनाको मृत्यु

मकवानपुरको भीमफेदी गाउँपालिका-६ चिसापानीगढीस्थित भीमफेदी-कुलेखानी-काठमाण्डू सडकखण्डमा बिहीवार बिहान एउटा यात्रुवाहक हायस दुर्घटना हुँदा कम्तीमा १० जनाको मृत्यु भएको प्रहरीले जनाएको छ।

काठमाण्डूबाट सर्लाहीतर्फ गइरहेको विद्युतीय हायस बिहान पौने ६ बजेतिर दुर्घटनामा परेको जिल्ला प्रहरी कार्यालय मकवानपुरका प्रहरी नायब उपरीक्षक माधवप्रसाद काफ्लेले बताएका छन्।