न्युयोर्कमा भवन भत्कँदा दुईजनाको मृत्यु, १७ घाइते

न्युयोर्क । अमेरिकाको न्युयोर्कस्थित ब्रुकलिनमा तीनतले भवन भत्कँदा दुईजनाको मृत्यु भएको छ । सात बालबालिकासहित १७ जना घाइते छन् । घाइतेमध्ये चारजनाको अवस्था गम्भीर छ ।

निर्माणस्थलनजिकैको उत्खनन क्षेत्रमा भवन खसेपछि भग्नावशेषमा फसेकाहरूको उद्धार गर्न २५० भन्दा बढी अग्निनियन्त्रक र स्वास्थ्यकर्मी परिचालन गरिएको थियो । उद्धारका निम्ति ड्रोन र खोजी कुकुर समेत प्रयोग गरिएको थियो ।