समाचारमा जस्तै जीवनमा पनि डेडलाइन आवश्यक छ : मोदी

भारतीय प्रधानमन्त्री नरेन्द्र मोदी बिहीबार दिल्लीस्थित भारतीय जनता पार्टी (भाजपा) मुख्यालयमा आयोजित दीपावली मिलन कार्यक्रममा सहभागी भएका छन्। पत्रकारहरूलाई सम्बोधन गर्दै उनले न्यूजरुममा कुनै पनि काम असम्भव नमानिने बताए।

मोदीले भूकम्प होस् वा बाढी, मानिसहरू ज्यान जोगाउन भागिरहेका बेला पत्रकारहरू आफ्नो ज्यान जोखिममा राखेर र परिवारको चिन्ता छाडेर समाचार संकलनमा खटिने गरेको बताए। समाचारको दुनियाँमा समयसीमा (डेडलाइन) सबैभन्दा महत्त्वपूर्ण हुने उल्लेख गर्दै उनले जीवनमा पनि समयसीमा आवश्यक रहेको बताए।