अवरुद्ध कालीगण्डकी करिडोर सञ्चालनमा

गुल्मी, कात्तिक २६ गते । बुधबार बिहानदेखि सुक्खा पहिरोका कारण अवरुद्ध रहेको कालीगण्डकी करिडोर सञ्चालनमा आएको छ ।

जिल्ला प्रहरी कार्यालय गुल्मीका प्रहरी नायव उपरीक्षक वीरेन्द्र विश्वकर्माका अनुसार हर्मिचौर पूर्तिघाट सडक खण्डको कालीगण्डकी गाउँपालिका वडा नम्वर २ अर्वेनी राक्सेमा बुधबार बिहान सडक माथिबाट सुक्खा पहिरो खसेका कारण सडक अवरुद्ध भएको थियो । पहिरो पन्छाएर बिहीबार दिउँसोबाट करिडोर सञ्चालनमा आएको हो ।