छठ मनाउन रवि लामिछाने सर्वसाधारणको घरमा बस्ने, श्रीमतीसहित व्रतमा सहभागी हुने

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने यसवर्ष छठ पर्व मनाउन जनकपुरधाममा सर्वसाधारण नागरिकको घरमा बस्ने भएका छन् । उनले त्यहीँ बसेर छठका सम्पूर्ण विधिमा सहभागी हुने तयारी गरेका छन् ।

रास्वपाका नेता तथा सांसद मनिष झाले लामिछाने जनकपुरधामस्थित गंगासागरमा छठ मनाउन आउने जानकारी दिए । उनका अनुसार लामिछाने श्रीमती निकिता पौडेल लामिछानेसहित परिवारका सदस्यसँगै जनकपुर आउने तयारीमा छन् । लामिछानेले पार्टीका कुनै सदस्य वा सदस्यका आफन्तको घरमा नभई सामान्य सर्वसाधारणको घरमा बसेर छठका विधिमा सहभागी हुन चाहेको झाले बताए ।