देउवा कांग्रेसको गण्डकी प्रदेश अधिवेशन मंसिर ५ गते, पोखरा सभागृह बुक

पोखरा ।आधिकारिकताको टुङ्गो लाग्न बाँकी छँदै नेपाली कांग्रेसमा दुवै पक्षले अधिवेशनलाई धमाधम अघि बढाइरहेका छन्।

विशेष महाधिवेशनबाट सभापतिमा निर्वाचित भएका गगनकुमार थापा नेतृत्वको कांग्रेसले वडा, प्रदेश निर्वाचन क्षेत्र र सङ्घीय निर्वाचन क्षेत्रको अधिवेशन सकेर सीधै महाधिवेशन सम्पन्न गरिसकेको छ । अधिवेशनबाट केन्द्रीय कार्यसमिति निर्वाचित भएका छन् । उक्त समितिलाई निर्वाचन आयोगमा अद्यावधिक गरिएको छ ।