गुगल कम्पनी अल्फाबेटले एआई पूर्वाधारमा ३.८ अर्ब डलर लगानी थप्ने

गुगलको मूल कम्पनी अल्फाबेटले हङकङ र सिंगापुरको मुद्रामा पहिलोपटक ऋणपत्र जारी गर्दै करिब ३ अर्ब ८० करोड अमेरिकी डलर जुटाउने भएको छ। लगानीकर्ताबाट अपेक्षाभन्दा बढी माग आएपछि कम्पनीले सुरुमा तय गरेको लक्ष्यभन्दा ठूलो रकम संकलन गर्न लागेको हो।

बिहीबार सार्वजनिक विवरणअनुसार कम्पनीले १६ अर्ब हङकङ डलर (करिब २ अर्ब अमेरिकी डलर) र २ अर्ब २८ करोड सिंगापुर डलर (करिब १ अर्ब ८० करोड अमेरिकी डलर) बराबरका ऋणपत्र बिक्री गर्नेछ।