उपाधि रक्षाको यात्रामा साविक विजेता लुम्बिनीले पाएको मोमेन्टम

२६ कात्तिक, काठमाडौं । लुम्बिनी लायन्स नेपाल प्रिमियर लिग (एनपीएल) को तेस्रो संस्करणमा प्लेअफमा स्थान पक्का गर्ने पहिलो टोली बनेको छ। बिहीबार कर्णाली याक्सलाई चार विकेटले पराजित गर्दै लुम्बिनीले यस सिजनको प्लेअफ यात्रा सुरक्षित गरेको हो।

६ खेलबाट ४ जित, १ हार र एक खेल रद्द हुँदा लुम्बिनीले ९ अंक जोडेको छ। कर्णालीविरुद्धको जितसँगै टोली अंकतालिकाको शीर्ष स्थानमा समेत उक्लिएको छ। अब लुम्बिनीको नजर लिग चरणको बाँकी खेल जित्दै शीर्ष दुईमा स्थान बनाउने हुनेछ।