बुटवल उपमहानगरले ल्यायो तीन अर्ब ८५ करोडको बजेट

बुटवल- बुटवल उपमहानगरले ल्यायो तीन अर्ब ८५ करोडको बजेट बुटवल उपमहानगरपालिकाले आर्थिक वर्ष २०८३/८४ का लागि कुल तीन अर्ब ८५ करोड रुपैयाँको आयव्यय अनुमानसहितको बजेट वक्तव्य सार्वजनिक गरेको छ। उपमहानगरपालिकाका उपप्रमुख सावित्रादेवी अर्यालले बुधबार नगर सभामा उक्त बजेट प्रस्तुत गरेकी हुन्।

‘समानता, स्वाभिमान र अवसर–बस्नयोग्य बुटवल सहर’ भन्ने नारालाई आत्मसात् गर्दै ल्याइएको यस बजेटमा कुल खर्चमध्ये चालुतर्फ ५२ प्रतिशत र पुँजीगततर्फ ४८ प्रतिशत रहने अनुमान गरिएको छ। प्रस्तावित बजेटको व्यय अनुमानअनुसार सामाजिक विकासतर्फ २८ प्रतिशत र आर्थिक विकासतर्फ १२ प्रतिशत बजेट विनियोजन गरिएको छ।