१०औं राष्ट्रिय खेलकुद: तयारीमा जुट्दै तीन तहका सरकार

कर्णाली प्रदेशमा पहिलोपटक आयोजना हुन लागेको १०औं राष्ट्रिय खेलकुद प्रतियोगिता तयारीमा तीनै तहका सरकार जुटेका छन्। प्रतियोगिताको औपचारिक उद्घाटन मंसिर १६ गते हुने भए पनि सुरु ८ गतेबाट हुने छ।

मंसिर २७ गतेसम्म सञ्चालन हुने प्रतियोगिताका लागि तयारी तीव्र पारिएको कर्णाली प्रदेश खेलकुद विकास परिषद्का सदस्य–सचिव रविन चन्दले जानकारी दिए। प्रतियोगितामा ३२ वटा खेल खेलाउने तय भएको छ। जसमध्ये २३ वटा खेल प्रदेश राजधानी जिल्ला सुर्खेतमा हुने छन्।