आजदेखि छठ पर्व सुरु, मिथिलाञ्चलमा बढ्यो चहलपहल

२७ कात्तिक, काठमाडौं । दीपावली पर्व सकिएसँगै मिथिलाञ्चलसहित तराई–मधेसमा आस्थाको महापर्व छठ सुरु भएको छ । कात्तिक शुक्ल चतुर्थीदेखि सप्तमीसम्म चार दिन मनाइने यस पर्वको पहिलो दिन आज ‘नहाय–खाय’ विधि गरिँदैछ ।

सूर्यदेव र षष्ठीदेवीको उपासना गरी मनाइने छठ पर्वमा व्रतालुहरूले चार दिनसम्म विभिन्न विधि र परम्पराअनुसार पूजा आराधना गर्छन् । पर्वको पहिलो दिन नहाय–खाय, दोस्रो दिन खरना, तेस्रो दिन अस्ताउँदो सूर्यलाई अर्घ्य र चौथो दिन उदाउँदो सूर्यलाई अर्घ्य अर्पण गरेपछि पर्व सम्पन्न हुन्छ ।